قصة صافي في حي بلاق

** الجزء الثانى والعـشرون **
**************
تعالوا نروح مع بعض عند شيرين

شيرين : مش معقول ..مش ممكن ..طنط شهيرة !!!
شهيرة : ها ها ها ها ..بموت اوى فى منظر الناس لما افاجئهم بحاجة ...اومال كنتى فاكرانى مين هاه ؟
شيرين : انتى ؟؟
شهيرة : لا خيالى
شيرين : ازاى تعملى فى بنت اختك كده ؟ ...انا كنت دايماً بحس انها اكتر من بنتك
شهيرة : انا مكنتش اعرف انها هتتنيل على عينها وتحبه ...لكن خلاص بقى هعمل ايه يعنى ؟
شيرين : وليه شريف من الاساس ؟
شهيرة : علشان شريف ده ممكن يضيع عليا كل ثروتى
شيرين با ستغراب : ازاى ؟
شهيرة : انا ابقى مرات عم شريف ...فهمتى بقى ؟
شيرين : ايوه ..ايوه ..كده صح ..كده اكتملت الصورة فى دماغى ..يعنى انتى عايزة تقتلى شريف علشان ميطالبش بحقه
شهيرة : بالظبط
شيرين : حرام عليكى ..انتى ايه ؟ ...مبتخافيش من ربنا ؟
شهيرة : هاهااهاهاهاها ..لا حلوة دى ..وانتى تعرفى ربنا اصلاً ؟
شيرين : انتى اكتر واحدة عارفة انى بعمل كده وانا تحت ضغط
شهيرة : الى انا اعرفه انو الصداقة تضحية
شيرين : وانا ضحيت يوم ماشفت حبيبى بيموت اودامى ...ومش هاضحى تانى
شهيرة : خلاص يبقى ماتعمليش فيها بقى خضرا الشريفة واظبطى معايا
شيرين : طلباتك
شهيرة : فى خلال شهر ..ميكونش فى اى أثر لواحد اسمه شريف ..فهمتى ؟ ..واياكى تنطقى بأى كلمة
شيرين: بس انا مقولتلهاش على كل الحقيقة
شهيرة : وعلشان كده سبتك تعيشى ..يلا جوت اوت ...جايز
البودى جاردز : يس
شهيرة : تاك هير اوت ..كمان
البودى جاردز : اوكى ..كمان جيرل

وطلعت شيرين بره
وف بيت صافى

صافى : باكى ..مامى ..يلا بينا
باكى : انا جهزت خلاص
سوزان : وانا كمان خلصت
صافى : خلاص يلا بينا


وطلعوا مع بعض لفوا شوية وبعدين استقروا على الحاجات دى شوفوا

ده فستان صافى
[ندعوك للتسجيل في المنتدى أو التعريف بنفسك لمعاينة هذا الرابط]
وده فستان باكى

[ندعوك للتسجيل في المنتدى أو التعريف بنفسك لمعاينة هذا الرابط]

ودى شبكة صافى
[ندعوك للتسجيل في المنتدى أو التعريف بنفسك لمعاينة هذا الرابط]

صافى : آآآه انا تعبت اوى
باكى : وانا كمان ..يلا نروح
سوزان : وانتوا تعبتونى معاكم يلا بينا

وروحوا كلهم
واول مادخلت صافى تليفونها رن

اوعدنى جمبى تعيش ..ولا ليلة تنسانى وليك عليا
اعيش واموت يا حبيبى وانا وياك ..اوعدنى ماتسيبنيش
ولا حتى لثوانى ...تفضل ف حضنى واعيش معاك
كل الى بتمناه ...جمبك علطول

وهنا ردت صافى ودخلت اوضتها

صافى : آلو
شريف : آلو ..ازيك وحشتينى
صافى اتحرجت اوى : انا تمام
شريف : ماشى ماشى تجاهلينى تجاهلينى
صافى : بث بقى انتا عارف انى بتكثف الله
شريف : ياخلاصى ..انتى فى سنة كام يا حلوة
صافى : فى كيجى وان يا عمو
صافى وشريف : ههههههههههههههههه
شريف : نفسى مرة تقوليلى اى كلمة ..قولى حاجة اى حاجة قول بحبك قول كرهتك قول ومايهمكش حاجة
صافى : ايه يا عم العندليب فوق
شريف : علطول بتفوقينى من رومانسيتى كده
صافى : خلاص خليك فى اغانيك والرومانسية بتاعتك
شريف : وانا اقدر ..دى رومانسية اغانى ..اما انتى بقى رومانسية على حق
صافى : بث بقى انا بتحرج
شريف : ههههه ..بحب اشوفك وانتى زى الطمطماية ..زى يوم ما جينا نخطبك كده
كان نفسى اعصرك فى الخلاط ..هههههههههه
صافى : وانا كان نفسى اديك علقة سخنة وانتا فرحان فيا كده
شريف : بصراحة بتبقى قمر وانتى مكسوفة
صافى : الله بقى
شريف : انا قاعد اقولك من ساعتها كلام كلام وانتى مبتقوليش حاجة خالص
صافى : مش هاقول دلوقتى ..انا سايباه لوقته
شريف : قصدك يعنى ف الخطوبة ؟
صافى : ماهو ف الخطوبة طبيعى ..بس فى قبلها بشوية ..اعد ساعات وفكر
شريف : ولما افكر ساعات هكسب منبهات
صافى : ها ها ها ..ظريف اوى
سوزان : صافى
صافى : طب اقفل يلا علشان ماما بتنده وبعدين انا ورايا شغل الصبح يلا بااى
شريف : هتوحشينى
صافى : وانتا كمان
شريف : وانا كمان ايه ؟
صافى بحرج : هتوحشنى ..باى

وقفلت السكه علطول
شريف : اخيراً ابو الهول نطق ...مع السلامة يا احلى حب ف حياتى

وعند صافى

صافى : نعم يا مامى كنتى بتنادى
سوزان : لا ولاحاجة يا حبيبتى ..دانا بنادى م الصبح وانتى مش هنا خالص
صافى : معلش يا ماما ..اصلى كنت بتكلم ف الموبيل
سوزان : وبتكلمى مين ؟
صافى : شريف
سوزان بنص عين : اممم ..وليه بتكلميه ؟
صافى : هو كان بيطمن عليا ..بس ..تصبحى على خير

وراحت صافى نامت
وتصبحوا على خير انتوا كمان بقى يلا باااى

** الجـزء الثـالث والعـشرون **
***************
وف بيت صافى
صافى بكسل : هاااوم بونجور ...صباح الخير
باكى وسوزان : صباح النور
صافى : هاو آر يو ؟
باكى : فاين
سوزان : انتى رجعتى للغات تانى ؟
صافى : معلش يا ماما اصلى فرحانه اوى النهارده
سوزان : ربنا يسعدك دايماً يا حبيبتى
باكى : هو النهارده كام ؟
صافى : النهارده يا ستى ...10/2 ..ليه ؟
باكى : الله يرحمه
صافى باستغراب : يرحم مين ؟
باكى : عمى ...دى ذكرى وفاته
صافى بدهشة : هو انتى ليكى عم ؟
باكى : ايوه ...بس مات
صافى : الله يرحمه ..وهو ليه ولاد ؟
باكى : مش عارفه بس كل الى اعرفه انو مات من زمان
صافى : الله يرحمه ..هو كان اسمه ايه ؟
باكى : رأفت
صافى : الله يرحمه
باكى : بقولك ايه ماتيجى معايا نروح نزوره ف المقابر
صافى : استأذن الأول
باكى : إذا كان على طنط مش مشكلة
صافى : طنط ايه ..مش انا مخطوبة دلوقتى
باكى : آه ..انتى هتنفشى علينا ولا ايه ؟
صافى بتفاخر مزيف : اومال ..طبعاً يا بنتى ..هاه ..خطيبى
باكى بطفولية : طيب
وقعدوا يضربوا ف بعض بالمخدات
صافى : لالا خلاص خلاص .حرام عليكى انا هلكت
باكى بضحكة : علشان تحرمى تحدينى تانى
صافى بضحك : حرمت يا فندم ..يلا هوينا بقى
باكى : هوينا ...طيب انا ماشية

واتصلت صافى بشريف

صافى : آلو
شريف بصوت مبحوح : آلو ..ازيك يا صافى ؟
صافى : مالك يا شريف صوتك ماله ؟
شريف : لا مفيش ..انا كويس
صافى : لأ مش كويس قولى مالك ..متخبيش عليا
شريف : النهاردة ذكرى وفاة والدى الله يرحمه
صافى : وفاة والدك النهارده ؟
شريف ايوه
صافى بحيرة : الله يرحمه يا شريف ..طيب بص اقفل دلوقتى وهاكلمك تانى
شريف : ماشى سلام

وقفلت صافى معاه علطلول

صافى : انتى اسمك ايه يا باكى ؟
باكى بضحك : هههههه ..حلوة دى ..اسمك ايه يا باكى ؟
صافى : بجد
باكى : لأ بأب
صافى : انا مبهزرش ..قوليلى اسمك بالكامل
باكى : ليه يا بنتى هتطلعيلى رخصة ؟
صافى : قولى
باكى : باكينام مازن مهاب فاروق عبد الجليل
صافى بدهشة : ايه ؟ ..معقولة ؟
باكى : هى ايه دى الى معقولة ؟
صافى : انتى واثقة من الكلام ده ؟
باكى : انتى مالك يا بنتى النهارده ؟ ...انتى شاربة ايه ؟
ده اسمى
صافى : مش معقول تكونى انتى ..مش معقول ...مستحيل
باكى بقلق : الحكاية جد بقى ..فى ايه يا صافى ؟
صافى : لالالالا ..ده اكيد مش ممكن

ودخلت صافى اوضتها واتصلت على شريف تانى
صافى : قولى اسمك بالكامل يا شريف
شريف : طب
صافى : ارجوك قولى
شريف : شريف رأفت مهاب فاروق عبد الجليل
وهنا صافى الموبيل وقع من ايدها واغمى عليها وشريف قلق عليها اوى وطلعلها

سوزان : بنتى ..صافى ..دكتور بسرعة ..دكتور
شريف طالع : مالها صافى ؟
سوزان : بنتى يا شريف الحق بنتى
شريف : حاضر ..حاضر

وجابولها الدكتور

شريف : هاه يا دكتور فيها ايه ؟
الدكتور : الحقيقة هى جالها صدمة عصبية وهى مقدرتش تستحملها فاغمى عليها
لكن متقلقوش هى كويسه ...لازم تكون بعيده عن اى صدمات تانى
وياريت محدش يزعلها
سوزان : يعنى هى كويسه يا دكتور ؟
الدكتور : الحمد لله جات سليمة
شريف : طب اتفضل معايا

وخرج شريف والدكتور وصافى بدأت تفوق

صافى : اه ..اه يا دماغى ..انا فين ؟
سوزان : انتى ف اوضتك يا حبيبتى ..حاسه بايه ؟
صافى : عندى صداع جامد اوى يا مامى
سوزان : بعد الشر عليكى يا حبيبتى انشالله انا
باكى : الف سلامه عليكى يا حبيبتى ..والله انتى محسوده
صافى افتكرت الى حاصل
باكى : مالك يا صافى
صافى : ................
سوزان : طيب يا حبيبتى انا هاقوم اجيبلك لقمة تاكليها انتى ماكلتيش م الصبح

وطلعت سوزان
باكى : هاه ..فى ايه
صافى : حكتلها ..........
باكى بدموع : معقولة بابى يعمل كده ؟ ..معقول
صافى : انا مش عارفه ولا قادرة اصدق
باكى : ازاى يقبل على نفسه وعلى ولاده مال اليتامى ..ازاى
صافى : بلييز يا باكى متزودنيش هم على همى
باكى : وانا ...انا عندى هم ما يتلم ..ابويا انا يطلع كده ...لالالا ..ليه كده بس

وقعدوا هما الاتنين يعيطوا مع بعض

صافى : ياريت متقوليش لحد يا باكى
باكى : ازاى اعيش معاه كده؟
صافى : ارجوكى يا باكى ..ارجوكى
باكى : مقدرش يا صافى مقدرش
صافى : طب عشان خاطرى
باكى : خلاص يا صافى ..مش هاقول لحد
صافى : حبيبتى ماتزعليش ..ان شاء الله ربنا يعضوك بواحد كويس
باكى : خلاص بقى يعوضنى بايه ؟
صافى : متندمنيش على انى قولتلك
باكى: كان لازم تقوليلى وعلى رأى المثل
لازم فى يوم محتوم تترد فيه المظالم ابيض على كل مظلوم اسود على كل ظالم
صافى : بس انتى مالكيش اى ذنب
باكى :ذنبى انى بنته وشايلة اسمه ..عارفه يعنى ايه ؟
انا حياتى مابقاش ليها معنى يا صافى
انا خلاص ضعت
صافى حضنتها : متقوليش كده يا حبيبتى ..متقوليش كده
باكى بنواح: لييه بس يا رب كده لييه ؟
صافى : امسحى دموعك علشان ماما وشريف ..يلا قومى اغسلى وشك
باكى : حاضر

وقامت صافى غسلت وشها
وهما كانوا بيتكلموا شريف سمع الحوار كله وعرف كل حاجة
بس حاول يدارى على صافى انه معرفش


شريف : حبيبتى ..عامله ايه دلوقتى ؟
صافى : الحمد لله يا شريف ..اناكويسه
شريف : يعنى حاسه انك بقيتى احسن ؟
صافى : الحمد لله ..مالك ؟
شريف : لا ابداً مماليش..صافى ..انا بحبك اوى
صافى : ايه النظرة الى ف عنيك دى ؟
شريف بارتباك : ن ..نظرة ..نظرة ايه ؟
صافى : مش قادرة افسرها ..دى بتحمل كل المعانى....حزن على الم
على شفقة على خوف على انكسار ...مالك يا شريف ؟
شريف : لا ابداً تلاقينى بس كنت خايف عليكى
صافى : متقلقش يا شريف ..انا كويسه
شريف : انتى ممكن تسيبينى ف يوم من الايام ؟
صافى : ليه بتقول كده ؟

شريف : ارجوكى جاوبينى
صافى :انتا عارف جوابى كويس
شريف : يعنى عمره ما هيتغير ؟
صافى : هو فى حد يقدر يستغنى عن عمره ؟
شريف : بجد
صافى :لأ بأم
شريف ضحك غصب عنه : هههه ..ضحكتينى
صافى : ايوه كده افرد وشك ماتكشرش ..احسن يثبت على كده
وتبقى فضيحة
شريف : هههههههههههههههه
صافى : قولى مش الاسبوع الجاى اخر اسبوع ف الامتحانات
شريف : اه وخلاص هاتخرج وابقى دكتور قد الدنيا
صافى :ان شاء الله هتبقى اكبر دكتور
شريف :وراء كل رجل عظيم امرأة عظيمة
صافى : شريف ...
سوزان : حبيبتى الاكل بيسخن وجبتلك حاجة سخنه
شريف بصوت واطى : بردت يا طنط
صافى ضحكت : ههههههههههه...مرسى يا ماما
سوزان : العفو يا حبيبتى
شريف : طب استأذن انا بقى
سوزان : ليه مانت قاعد
شريف : لا معلش اصل عندى مزاكرة
وبعت شريف لصافى بوسة فى الهوا

صافى بصوت واطى : يخربيتك ..مجنون
سوزان : فى حاجة
صافى : لا أبداً يامامى

انتظرونى مع حلقة رومانسية
قادمة مليئة بالمشاعر

حلقة الفالنتين

باااااااااااى

صافى :ميرسى يا حبيبتى..قوليلى ..اسم خطيبك ايه ؟
ريماس : اسمه هادى
صافى : الله ..اسم جميل ..وياترى بقى هو زى اسمه كده ؟
ريماس : ايون ..هو كده فعلاً يا ريماس هادى وزى النسمة
فعلاً كل واحد له نصيب ف اسمه
صافى : وبيشتغل ايه ؟

وبعدين فضلوا يتكلموا مع بعض كتيير
اوى وكان فى واحد بيراقبهم طول القعدة

صافى : يااااه ..دى الساعة بقت 5 انا اتأخرت اوى
ريماس : متخليكى قاعدة شوية
صافى : معلش بقى يا رورو ...مرة تانية ..يلا باى
ريماس : باى يا سوسو

وروحت صافى البيت

صافى : سلام عليكم
سوزان : وعليكم السلام ..مابدرى يا ست صافى
صافى : سورى يا مامى ..اصلى روحت مع ريماس كافيه كده
واعدنا نكلم شويه والوقت خدنا
سوزان : ومكفاكوش كلام فى الشغل
صافى : معلش بقى يا عسل انتا
سوزان : ايوه ثبتينى ثبتينى
صافى : هوانا ليه بركه الا انتا يا قمر ...اوعى تكونى زعلانه منى؟
سوزان : لاوانا هازعل ليه ..انا بس عديتهالك بمزاجى..بس المرة الجاية
صافى : انشاء الله ميبقاش فى جايه..بصى انا هاروح اغير هدومى وانام
سوزان : مش هتتغدى ؟
صافى : لأ مليش نفس
سوزان : طيب

وراحت صافى نامت

وفى مكان تانى

يا معلمه سماح ..يامعلمه سماح
سماح : انتا جيت ياشوكت
(كده اكيد عرفتوا مين الاتنين الى كانوا بيتكلموا)
شوكت : جيت بالخبر اليقين
سماح : ها سبع ولاضبع ؟
شوكت : اتفضلى وشوفى بنفسك
سماح : الله ..الله ..الله عليك يا شوكت ..ولد بصحيح
شوكت : هاه ..عجبتك ؟
سماح : الا عجبتنى ..دانتا عجبتنى ونص ..خد دول
شوكت : من يد ما نعدمها يا معلمة
سماح : يلا طريقك زراعى
شوكت : متأمريش بحاجة ؟
سماح : مقولنا فارقنا
شوكت : اوامرك
سماح : ههههههه ..والله ووقعتى يا صافى ومحدش سمى عليكى

هههههههههههههههههههههههههه


انتهى البارت
انتظرونى

**الجـزء السادس والعشرون**
****************
فبيت صافى
صافى صحيت بدرى علشان شغلها

صافى : صباح الخير يا ماما
سوزان : صباح النور يا صافى
صافى: ازيك ؟
سوزان : الحمد لله ..وانتى ؟
صافى : تمام ...قوليلى ..فى فطار ؟
سوزان : اون ذا تابل
صافى : ميرسى

وراحت صافى فطرت وبعد ما خلصت

صافى : اومال باكى فين ؟
سوزان : اصلها روحت
صافى : روحت ؟ ..ليه ؟
سوزان : شهيرة اتصلت بيها وقالتلها تيجى
صافى : طيب ..انا هاروح البس

وراحت صافى تلبس
ولبست بنطلون ستريت ابيض وفوقيه بلوزة بيج فيه حتة صوف كده من اودام نازلة
على سدرها بشكل جميل وبوت بيج لحد الركبة فيه فرو من فوق وشنطة بيج
كبيرة وعملت شعرها ديل حصان

صافى : عاوزة حاجة يا ماما ؟
سوزان : ميرسى يا حبيبتى ..عاوزة سلامتك
صافى : اوكى باى
سوزان : باى

ونزلت صافى علشان شغلها
قـابلت فى طـريـقها سـمــاح

صافى نفخت فى سرها (ايه اليوم الى مش باين من اوله ده )
سماح : اله ...صافى ..صباح الخير
صافى برخامة : اهلاً صباح النور
وراحت صافى علشان تمشى
سماح : استنى بس ...كنت عاوزة اقولك حاجة
صافى ببرود : معلش مش فاضية دلوقت ..ورايا شغل ..بعدين
سماح : هما كلمتين ...ابعدى عن شريف احسن لك
صافى : افندم ؟
سماح : لو مبعتديش عنه ...هتزعلى اوى
صافى : وازعل من مين ان شاء الله ؟ ...منك ...حصلنا الرعب
سماح : انا قولتلك وخلاص وايه ردك بقى ؟
صافى : انا مش هعتبر انك اتكلمتى اصلاً

ومشت وسابت سماح واقفة
سماح : بقى كده ..طيب والله لاوريكى

وركبت صافى تاكسى وراحت ع الشغل
صافى : صباح الخير
ريماس : صباح النور
صافى : ازيك يا رورو اخبارك؟
ريماس : الحمد لله تمام ..وانتى عامله ايه ؟
صافى : يعنى ماشى الحال
ريماس : فى ايه مالك ؟
صافى : بس قوليلى الاول ...البتاع الى اسمه شوكت ده فين النهارده ؟
ريماس : مجاش ..الحمد لله ربنا استجاب لدعايا ...يارب ميجيش علطول ..ده لزقة
صافى : يارب
ريماس : بس قوليلى بقى ايه الى حصل
صافى : الى حصل يا ستى وحكتلها ----------------
ريماس : يااه ..عليكى يا بنتى انتى هتلاقيها منين ولا منين ؟
صافى : آه والنبى انا خلاص تعبت بقى وزهقت من نفسى
ريماس : ياستى متحطيش ف دماغك
صافى : طيب ..خلينا نشتغل يلا
ريماس : يلا

وف مكان تانى

شوكت : الله ...الله عليك يا فنان .
العفو يا شوكت باشا
شوكت : لالا ..دانتا ف العالى اوى ..قولى عايز كام ؟
خليها علينا
شوكت : لالا ازاى قول بس
كلك نظر يا باشا
شوكت : طيب خد 100 جنيه اهى
تسلم يا كبير ...بس قولى انتا بتعمل كده ليه ؟
شوكت : والله انا ماليش دعوة بالموضوع ..دى واحدة ست كده اسمها سماح انما
ايه متريشة اوى
ومنين بقى دى ؟
شوكت : دى من بولاق الدكرور
وايه الى لمك على واحدة بيئة كده ؟
شوكت : والله يا صاحبى الفلوس ...اصلها بصراحة عندها فلوس كتيير اوى
وابوها تاجر قماش كبيير وهى بنته الوحيدة ..فقولت استغل الفرصة واجوزها وكده
وبعدين هى الى موظفانى هنا
ومالقتش الا دى ؟ ...دانتا ابوك راجل كبيير برده ف السوق
شوكت: والله بعد ماطردنى من البيت لا باشوف منه لا ابيض ولا اسود
ماشى يا عم ..عندك حق
شوكت : ادعى بس ربنا يتمم الموضوع ده على خير عشان انول مرادى
ان شاء الله هتنوله
شوكت : يا رب

التكملة

وفى الشغل

صافى : ياااه ..انا تعبت جداً النهارده
ريماس : وانا كمان تعبت اوى
صافى : طب بقولك ايه يلا بينا نمشى بقى احسن خلاص معتش قادرة اقعد
ريماس : طيب يلا بينا

وروحوا هما الاتنين
وف بيت صافى

صافى : السلام عليكم
سوزان : وعليكم السلام
صافى : ازيك يا ماما
سوزان : الحمد لله....يومك كان ازاى ؟
صافى : كان متعب جداً ياماما ..قوليلى عملتى غدا ؟
سوزان : جاهز ..انا كنت مستنياكى لما تيجى ونتغدا سوا
صافى : طيب ونبى حضريهولى يا ماما بسرعة اصلى هموت م الجوع ..على بال ما اغير هدومى
سوزان : طيب يا حبيبتى

وقعدوا يتغدوا

صافى : بس انا مستغربة انو طنط شهيرة طلبت باكى
سوزان : يمكن جالهم ضيوف ولا حاجة
صافى : ضيوف ايه يا مامى ...دى باكى كانت بتفضل عندنا بالتلت اسابيع وبالشهر كمان
سوزان : احنا منعرفش يا حبيبتى يمكن فى حاجة
صافى
: انا متأكده انو الموضوع فيه انه ...وبعدين غريبة انو طنط شهيرة لما
قولتيلها على رفض خطوبتى من رمزى ماتنرفزتش ولا اظهرت اى غضب
سوزان : اهى دى فعلاً الى غريبه حقيقى
صافى : انا خايفه اوى يا ماما
سوزان : يا حبيبتى متخافيش...اطمنى انا معاكى
صافى بتنهيده : يارب

وف بيت شهيره

شهيرة : اهلاً يا باكى ..اخيراً صحيتى
باكى ببرود : معلش اصلى كنت تعبانه
شهيرة بنظرة تفحص : مالك كده بتردى عليا ببرود ؟
باكى بملل : اوووف .ماقولت مفيش حاجة سيبينى ف حالى بقى
شهيرة بحدة : باكينام ...استنى هنا ..مش بكلمك
باكى بنفخ : لو سمحتى يا ماما ..سيبينى دلوقت
شهيرة : لأ مش هسيبك الا لما تقولى فى ايه
باكى : سيبينى بقى حرام عليكى حرام عليكى
شهيرة بعصبية : ازاى تكلمينى بالطريقة دى ؟؟
باكى : ماتسكتى بقى

شهيرة ضربتها بالالم
باكى
هنا تعصبت جداً ودمعت وقالت باعلى صوت : بتضربينى بالالم يا ماما
...بتضربينى انا ..ماشى عاوزة تعرفى مضايقة ليه ؟؟ ...اقولك ..علشان انتى
وبابا بتاكلوا حق اليتامى وبتأكلونا وتشربونا حرام من مال عمى وولاده عرفتى
بقى

شهيرة هنا اتعصبت جداً وراحت مديه باكى علقه بالاقلام (مش الجاف طبعاً)
وبعد لما خلصت مسكتها من شعرها جامد

شهيرة : انتى يا بت انتى ..انتى عارفه بتقولى ايه ؟؟ ..الكلام دا ضد مصلحتنا
وضد ثروتنا وانتى دلوقتى بقيتى خطر علينا كلنا...وانا الى يقف فى طريق ثروتى ونجاحى افرمه ...حتى لو كانت بنتى

وبعدين جرجرتها من شعرها وودتها لاوضة ضلمة كده ورمتها فيها

شهيرة : انتى هتفضلى هنا محبوسة ..انسى انك تشوفى نور الشمس بعد كده
انسى ....انتوا متخلوهاش تخرج من هنا مفهوم
البودى جاردز : يس ليدى

وياعينى على باكى كان شكلها يقطع القلب وشعرها متنعكش وهدومها متقطعة
وقاعدة تعيط ولو كانت تقدر تعيط بدل الدموع دم كانت عملت وفضلت تعيط كده
علطول ماتوقفش


وف بيت صافى

صافى : مامى ..باكى ماتصلتش ؟
سوزان : لا ياحبيبتى ماتصلتش
صافى : غريبه دى حتى مافتحتش الياهو
سوزان : يمكن نايمه
صافى : ممكن برده يا مامى

وعلى السلم كان شريف نازل وسماح طالعه


سماح : اهلاً أهلاً بالدكتور .
شريف بنفخ : يا فتاح يا عليم
سماح : ايه يا دكتور معتش بتطيقنى للدرجة دى ؟
شريف : سماح الكلام مبيجبش فايدة معايا انجزى وخلصى وهاتى م الآخر
سماح : ماشى ...بص بقى انتا لازم تبعد عن البت صافى دى
شريف : دى حياتى الشخصيه ومسمحش لحد يدخل فيها
سماح : هتندم يا شريف
شريف : اوكى بس قوليلى امتى
سماح : بتتريق ؟ ...ماشى ابقى قابلنى لو شفتوا يوم واحد عسل بعد كده
شريف : انتى يا بتاعة انتى احترمى نفسك بدل ما امد ايدى عليكى
سماح : لا وعلى ايه ؟ ...الطيب احسن


وسابته وطلعت وهو كان واقف متحير وخايف
بس حاول ميفكرش ف كلامها ونساه فعلاً

وف اليوم الى بعده
صافى : انا نازلة يا مامى
سوزان : سلام يا حبيبتى
صافى : سلام

وصافى نازلة قابلت شريف

صافى : شريف ..ازيك صباح الخير
شريف بغضب : اهلاً
صافى باستغراب : مالك يا شريف فى حاجة ؟
شريف : منتكلمش هنا اتفضلى تعالى معايا
صافى : بس الشغ
شريف شدها جامد : مفيش شغل ..يلا بينا
صافى خلعت دراعها منه : لا فى شغل ..وبعدين ايه الطريقة دى ؟
شريف بنرفزة حقيقية : ارجوكى اتفضلى تعالى معايا بدل ما استخدم اسلوبى
صافى خافت اوى من حدته وخافت فعلاً انو يعمل فيها حاجة فوافقت وراحت
وراحوا قعدوا ف مكان

صافى كانت مدمعة وكانت بتترعش وكانت حالتها سيئة ع الآخر

شريف قلبه رق شوية : تقدرى تقوليلى بتعيطى ليه دلوقتى ؟
صافى بتعصب : متعرفش بعيط ليه ...علشان الطريقه دى ..انا ماتعودتش منك على كده
شريف : انا الى من حقى انتحر كمان مش اعيط وبس ...تقدرى تقوليلى ايه ده ؟

وهنا صافى اتفاجئت جداً بالى شغله شريف

ياترى هو شغل ايييييييييه ؟؟؟
تابعوا معايا الحلقة الجاية

**الجـزء السـادس والعـشرون**
*****************
شريف بعصبية : اسمعى

واشتغل الشريط

صافى : آلو ازيك يا بيبى
شوكت : سوسو حبيبتى ..عامله ايه يا قمر ؟

صافى : انا كويسه بس زعلانة منك يا وحش
شوكت : ليه كده ؟
صافى : علشان معتش بتكلمنى لا فى الشغل ولا ف حته تانيه
شوكت : وانا مقدرش على كده ..
قوليلى هتخلصى من الموضوع ده امتى ؟
صافى : كلها شهر ولا شهرين وهنجوز
بيقولوا انو هو مكوش على قرشين يادوب بس شهر بعد الجواز
واهرب بالفلوس وانتا معايا
شوكت : تعجبنى دماغك ..طب بقولك ايه انتى وحشتينى اوى
قابلينى فى الكافيه (.....) الساعه 3
صافى : ماشى يا روحى باى
شوكت : باى

وانتهى الشريط

شريف : هاه ..إيه رأيك ف الى سمعتيه ؟
صافى مزهولة : ايه ده ..ايه ده ..انا معملتش كده
شريف صدقنى انا عمرى ما كلمت البنى آدم ده
شريف : والصور دى
دى كانت صور ليها هى وشوكت فى الكافيه

صافى بدهشة شديدة : صدقنى يا شريف ..انا مش عارفه جاب الصور
دى منين بس انا فعلاً عمرى ما كلمته فى الموبيل ولا قعدت معاه صدقنى
وبعدين ظهر انها افتكرت حاجة : وبعدين انتا مصدقه ؟
شريف مردش
صافى بدموع وحدة : مبتردش ليه ؟ ....انتا مصدقه ؟
شريف بلع ريقه : انا مش عارف ..مش عارف حاجة
صافى دهشت جداً وبصتله بصة عمره ما نساها طول حياته
(انا ياشريف ..انتا تفكر فيا انا كده ؟...انتا مصدقه يا شريف
انتا كده ..عند اول مطب ترمينى اودام العربيات تدهسنى
مكنتش اعرف انك كدا مكنش العشم يا شريف
انا اتخدعت فيك انتا مش انتا )
وبعدين صافى خلعت دبلتها من ايده ورمتها ف وشه
وقامت بتجرى وتعيط

وهو كان مزهول

صافى جرت وجرت مكانتش عارفه ركبت ازاى ولا وصلت ازاى
ولا شافت مين ولا سمعت ايه
كل الى تعرفه انها دلوقتى فى اوضتها بتعيط بغزارة
من الى حصل لها النهارده

سوزان : صافى ..افتحى يا صافى ..يا بنتى افتحى
يارب صبرنى على الهم ده

وراحت متصله على اختها

سوزان : آلو
شهيرة : آلو
سوزان : الحقينى يا شهيرة
شهيرة : فى ايه مالك ؟
سوزان : صافى جت من بره تعيط اوى
وقافله على نفسها الاوضه من ساعتها
شهيرة :وليه كدا ؟
سوزان : معرفش انا لا عارفه اتكلم معاها ولا عارفه فيها ايه
انجدينى ...باكى فين ؟
شهيرة بارتباك : باكى ..باكى ..نايمه
سوزان : طب ممكن تصحيها عشان خاطرى صافى مبترتاحش الا معاها
شهيرة : حاضر احنا جايين ..باى
سوزان :باى


وف بيت شهيرة
شهيرة : اعمل ايه دلوقتى اعمل ايه بس ...مارك ..طونى
البودى جاردز : يس ليدى
شهيرة : كم وز مى
البودى جاردز : اوكى
شهيرة : اوبن زا دوور
البودى جاردز : يس

وفتحولها باب الاوضة الى باكى محبوسة فيه

ولما دخلت شهيرة الاوضة لقت مفاجأة صاعقة

هنعرفها بعدين

وف بيت صافى

سوزان : هى شهيرة اتأخرت كده ليه ؟

الباب بيخبط

سوزان : اكيد دى شهيرة ...ا...اهلاً مين حضرتك ؟
ريماس : اهلاً يا طنط ازيك ..انا ريماس صاحبة صافى وزميلتها فى الشغل
سوزان : أهلاً يا بنتى اتفضلى
ريماس : ميرسى يا طنط ..انا قولت اجى اطمن على صافى
اصلها مجاتش الشغل النهارده وانا قلقت عليها
فقولت اجى ازورها
سوزان : متشكرين اوى يا حبيبتى متشكرين
ريماس : اومال هى فين ؟ ..هى عيانه ولا حاجة ؟
سوزان : لا ابداً هى جوه ف اوضتها هروح اندهلها
ريماس : اتفضلى

سوزان: صافى ..افتحى يا صافى ..افتحى
صافى بنواح : قولت مش عاوزة اشوف حد
سوزان : دى ريماس صاحبتك
صافى : ريماس ...دخليها
سوزان : حاضر ..ريماس
ريماس : ايوه يا طنط
سوزان : ادخليلها يا بنتى جوه
ريماس : حاضر

ودخلت ريماس الاوضه وبعدين صافى قفلتها تانى

ريماس مخضوضة من شكل صافى :هااااااااااااه ...انتى ايه الى عمل فيكى كده ؟
صافى كانت عينيهامحمرة ومدمعة وحالتها بايظة ع الآخر

راحت صافى مرمية فى حضن ريماس وقعدت تعيط اوى
وحكتلها على كل حاجة

ريماس : كل ده عشان كده ؟ ...يا ستى ماتحطيش فى دماغك
صافى بعياط : مش ده الى محزنى ..الى مبكينى ..انو شريف مصدق
ازاى يصدق ازاى ؟ ..اهئ اهئ اهئ
ريماس : وانتى بقى هتبوظى حياتك علشانه ؟
يروح هو ييجى الف غيره يتمنوا سعادتك
صافى : بس انا مش عاوزة حد تانى
ريماس : يبقى انتى الى غلطانه بقى
صافى بحدة : لا انا مش غلطانه ..انا الى صح وهو غلط
انا مش غلط عشان باتعامل مع الناس بحسن نيه
انا مش غلط عشان بسيب نفسى
لمشاعرى واحاسيسى
انا مش غلط عشان طيبتى
ريماس : انتى مش غلط ...لكن ..فى ناس تستحق وناس متستحقش
وهو ميستحقش
صافى : انا مش قادرة اتصور ازاى خدعنى ووهمنى
بحبه ....والمصيبة ان انا لسه بحبه

ريماس : انتى كده بتضيعى نفسك
صافى : انا مش عارفة حاجة مش عارفة ..اهئ اهئ اهئ اهئ

وقعدت صافى تعيط وريماس صعبان عليها اوى حال صافى ده

ريماس : طيب يا صافى ..انا اتأخرت اوى ولازم امشى
صافى : ارجوكى يا ريماس اقعدى معايا انا محتجالك اوى
ريماس : معلش يا صافى ..اصل ماما ممكن تقلق عليا
بصى انا هاجيلك بكره الصبح ان شاء الله
وهعسكرلك هنا من القمر
صافى : ايه من القمر دى ...قصدك من النجمة
ريماس : ماهما غيروها ..معرفتيش ؟
صافى ضحكت غصب عنها
ريماس : ايوه كده اضحكى وفرفشى وعيشى حياتك
ومتحطيش فى دماغك
صافى : ميرسى يا ريماس ..بجد انا ارتحت اوى
ريماس : احنا اخوات يا صافى ..يلا باى
صافى : باى

وخرجت ريماس
سوزان : هتمشى بدرى كده يا بنتى
ريماس : معلش يا طنط ..وقت تانى ..اصل ماما هتقلق عليا
سوزان : طيب يا حبيبتى ...مع السلامه
ريماس : مع السلامه

وعند شريف

جاله تليفون
صاحب شريف بفرحه : الو
شريف منغير نفس : الو..ازيك يا شادى
شادى : ازيك يا شريف انتا معرفتش ولا ايه ؟
شريف ببرود : عرفت ايه ؟
شادى : النتيجة ظهرت يا مان وانتا جبت امتياز يا معلم الف مبروك
شريف محسش بفرحة نتيجته : الله يبارك فيك ..سلام
شادى : ايه ده يا عم ..مش فرحان ولا ايه ؟
شريف : خلاص بقى يا شادى متدوشنيش..سلام
شادى باستغراب : سلام

شريف مكانش حاسس بطعم اى حاجة فى الدنيا
الا الالم والندم والتأنيب والوجع
علشان الى هو عمله مع صافى وبعدين رمى الموبيل
وقعد يعيط كتيير اوى


تعالوا بقى نروح عند بيت خالة صافى

شهيرة كانت منهارة بجد ومكانتش عارفه تعمل ايه
كان شكلها يصعب على الكافر وهى قاعدة تعيط وتلطم على وشها وتصوت

تعالوا اقولكوا ايه الى حصل

شهيرة اول ما دخلت الاوضة لقت باكى سايحة فدمها
الى مغرق الاوضة وشافت نبضها ملقتش نبض
والواضح انو باكى انتحرت من زمان ودمها اتصفى كلو

شهيرة دهشت وصعقت

شهيرة : لالالا ..مش معقول ..مش معقول ...باكى ماتت !!
لالالا ..باكى ..قومى يا حبيبتى ..قومى بقى
مامى بتنادى عليكى ...قومى يا باكى
قومى يا حبيبتى وبطلى شقاوة بقى

وقعدت تهز فيها اوى

شهيرة بعياط : قومى يا حبيبة ماما ..انا آسفة يا باكى
انا آسفة يا حبيبتى مكنتش اعرف
باكى ..ردى عليا

وهنا صوتت
ردى عليا يا باكى ..أه ..اه ...ردى عليا يا حبيبتى
انا الى موتك بايديا يا حبيبتى
انا الى موتك يا باكى ...ياريتنى كت بدالك يا بنتى
اه ..اه ...اه
تعالى يا باكى ..قومى كلمينى ..قومى يا باكى
قومى بقى ..قومى
اه ..اه ...اه
متى يا باكى وانا الى قتلتك بايديا يا بنتى
اه يا باكى ...اه يابنتى

وهنا جه الشيطان فى دماغها
شهيرة : لا مش انا ..ده هو .0.شريف ..هو السبب فى كل حاجة حصلت
هو الى قتلك هو السبب ..متخافيش يا باكى
انا هانتقملك منه هو السبب ..هو السبب

وبعدين

قعدت تحسس على شعر بنتها وهى بتعيط بتعيط كأنها
بتعيط بدل الدموع دم

واتصلت بسوزان وقالتلها

شهيرة : باكينام ماتت يا سوزان ماتت
سوزان شهقت بقوة : ايه ....ماتت !! ...
انتى بتقولى ايه يا شهيرة ؟

وهنا صافى سمعت الكلام وخرجت من اوضتها فوراً
صافى بخضة : مين دى الى ماتت ...ادينى السماعة ياماما

...مين الى ماتت مين ؟
شهيرة : باكى ...باكى بنتى ماتت
وهنا صافى وقعت السماعة من ايدها
وصرخت

صافى : لا ...لا ....لالالالالالالالالالالالالالالالالالالالالالالا لالالا

وقعدت تعيط بهستيرية
وسوزان كمان قعدت تعيط معاها

صافى : مش معقول باكى تموت مش معقول
سوزان بعياط : حرام عليكى يا بنتى حرام
صافى : باكى ماتت يا ماما ...باكى ماتت
اختى الصغيره الشقيه الحلوة
الى كانت بتقف جمبى وتساعدنى
كانت بتفرح معايا وبتحزن معايا
مين دلوقتى الى هيفرحنى مين الى هيواسينى مين الى هيضحكنى
مين الى هيونسنى مين مين ؟؟ ...اهئ اهئ اهئ اهئ
خلاص كل ده راح ؟؟ ....راح وراحت معاه
راحت معاه اطيب روح عرفتها فى حياتى

الله يرحمك ويغفر لك يا باكى
الله يرحمك يا حبيبتى

وانتهت الحلقة
واشوفكم فى الجزء الجاى

** الجزء الثامن والعشرون**
***************
وطبعاً عملوا ميتم لباكى

والناس خلصوا ومشوا

وطبعاً خطوبة صافى وشريف ما تمتش ف معادها

وعدى اسبوع

صافى كانت حالتها وحشة جداً كانت لا بتاكل ولا بتشرب
وحابسه نفسها ف اوضتها طول النهار
وبرده كان شريف كان دايماً زعلان وحابس نفسه ف اوضته
مش عاوز يكلم او يشوف حد

وف بيت شريف

كريمه : ازيك يا ماما
ام كريمه : كريمه ..يا اهلاً يا اهلاً ازيك يا حبيبتى
كريمه : الحمد لله يا ماما ..وازيك انتى وحازم وشريف ؟
ام كريمه : انا وحازم كويسين يا بنتى بس شريف اخوكى
مش عارفه ماله
كريمه : ليه يا ماما هو فى ايه ؟
ام كريمه : انتى عارفه انو الخطوبة اتأجلت علشان بنت خالة
صافى ماتت الله يرحمها وانا بقول يمكن يكون زعلان
علشان خطوبتهم ماتمتش
كريمه : يمكن ..بس انا هادخل اشوفه ماله
ام كريمه : ادخليله يا بنتى

كريمه : ممكن ادخل
شريف بعصبيه : قولت مش عاوز حد
كريمه : ولو حتى اختك يا شريف ؟
شريف رق شوية : معلش يا كريمه ..اتفضلى

ودخلت كريمه

كريمه : ايه يا سى شريف..كل ده علشان الخطوبه اتأجلت
شريف :انتى مش عارفه حاجة يا كريمة
كريمه : طب عرفنى ..نورنى ..قولى فيك ايه يا اخويا
شريف :انا فيا حاجات كتيير اوى ومش عاوز اشيلك هم اكبر من همك
كريمه : كده يا شريف ..احنا مش اخوات ولاايه ؟
شريف : طبعاً اخوات يا كريمه بس
كريمه : مبسش قولى على كل حاجة
شريف : حاضر

وقالها على كل القصة
كريمه : يااااه ..وكل ده شايله ف قلبك لوحدك
شريف: مينفعش اكون انانى ومحسش بالى حواليه
كريمه : انتا طول عمرك كده ..مبتحبش تشيل حد همك
شريف : بس قوليلى انا صح ولا غلط ؟
كريمه بتردد : بصراحه ..عاوز رأيى ..انت غلطان
شريف : ليه بقى ؟
كريمه : لان انت فعلاً سبتها ف اول مطب
زى ما هى قالت
شريف : لكن
كريمه : ماكنش يا شريف ..انت غلطت لانك بسرعة جداً شكيت فيها
وكنت عصبى جداً ومادتهاش فرصه حتى تدافع عن نفسها
ومن رأيى انو ده الرد الطبيعى على الكلام ده
شريف : بس ازاى؟
كريمه : انت ادرى واحد انو العالم اتطور وبقت فيه تكنولوجيا جديدة
يعنى ممكن تفبرك صورة انك قاعد مع اوباما مثلاً
ولا هيلارى ..صح ولا كلامى غلط ؟
شريف : طب والصوت ؟
كريمه : برده الصوت ممكن يتفبرك عادى جداً ف اى استديو


شريف : معقول كل ده غلط
كريمه : هى زعلت منك ..علشان انتا موثقتش فيها وشكيت فيها
وكان لازم تعمل كده علشان كرامتها
شريف : بس انا برده عندى كرامة
كريمه : خلاص يبقى عناد بعناد وانسى انكوا ترجعوا لبعض تانى
شريف اول ما سمع الكلمة اتهبل
شريف : مقدرش
كريمه : خلاص يبقى لازم تعتزر
شريف : مقدرش اعتزر الا لما اتأكد انو ظنى خطأ واثبت ده
كريمة : برضه بتكابر
شريف : انتى عارفانى يا كريمه
كريمه بتنهيده : انت حر انا قولتلك الى فيها وخلصت ضميرى منك
ونت حر بقى اعمل الى انت عاوزه
بس بالطريقة دى انسى انك ترجعها لو حتى بعد سنين
سلام
شريف : هتمشى دلوقتى
كريمه : يادوب ..سلام يا اخويا
شريف : سلام يا كريمه ..خلينا نشوفك
كريمه : فكر فى كلامى يا شريف كويس
النبى صلى الله عليه وسلم قال :-
اعقلها وتوكل
شريف : ماشى

ومشت كريمه ودخل شريف اوضته تانى وهو بيفكر

وف حته تانيه

شوكت : ها يا معلمه كل الى عاوزاه حصل
سماح : عفارم عليك ...والله وعملتى الى فى دماغك يا سموحه
شوكت : انا وفيت بوعدى اهه ..انتى كمان ياريت توفى بوعدك
سماح : ايه ؟؟..هو انا كنت وعدتك بحاجه ؟

شوكت : لالالا ...انتى هترجعى ف كلامك ولا ايه ؟
سماح : هو انا كنت قولت حاجة من اصله عشان ارجع فيها
شوكت : لا يا معلمه احنا اتفقنا اتفاق رجاله
سماح : غيرت كلامى ..عاوز حاجه ؟
شوكت : لالالا ...كده مينفعش
سماح: طب ادينى وقت
شوكت : ماشى معاكى لحد آخر الاسبوع
سماح : ماشى يا شوكت
شوكت : سلام
سماح : سلام ..ماشى ...بقى انت عاوز تجوزنى انا ؟

ليه ان شاء الله ..هو انا بقيت رميه ولا ايه ؟
هاه والله حلوة دى


وف بيت شهيرة

شهيرة : آلو
شيرين : آلو
شهيرة : انتى فين ؟ ...ومابترديش على تليفوناتى ليه ؟
شيرين : معلش اصلى كنت نايمه
شهيرة : طب صحصحى معايا كده وفوقى
للكلام الى هاقولهولك
شيرين : معاكى
شهيرة : هنقوم بالعمليه الاسبوع الجاى
شيرين بدهشة : ايه !! ..بس
شهيرة : مابسش العمليه هتتنفذ يعنى هتتنفذ
ومعاكى اسبوع تحضرى فيه نفسك سلام
شيرين : اا...قفلت
اعمل ايه دلوقتى يا ربى ..اعمل ايه ؟؟؟


وبعد يومين

سوزان : صافى ..صافى
صافى : نعم يا ماما
سوزان : يابنتى انتى بقالك يجى اكتر من 4 ايام منزلتيش الشغل
صافى : فى ايه يعنى يا ماما ؟
سوزان : انزلى شغلك يا بنتى ..مش معقول هتفضلى حابسه نفسك كده
ليل نهار
صافى : مقدرش يا ماما

قعدت سوزان جمبها على السرير وخدتها فى حضنها وعيطت صافى
سوزان : بس يا حبيبتى بس ...مش معقولة اى واحد يفقد حد عزيز
عليه يحبس نفسه بالشكل ده ولا ياكل ولا يشرب
ولا يمارس حياته
صافى : بس باكى مش مجرد حد يا ماما ..دى زى اختى تمام
واكتر كمان
سوزان : انا عارفه يا حبيبتى انها كانت عزيزه عليكى اوى
وعارفه غلاوتها عندك ..بس هى دلوقتى مش فرحانه
انك قاعدة كده مبهدلة ف نفسك
وسايبه حياتك وشغلك
صافى : مش قادرة انساها يا ماما ..مش قادرة
كل مابص ف حته اشوفها ...اشوف شقاوتها معايا
اشوفها وهى بتضحك وبتهزر
اشوفها وهى بتطبطب عليا وانا زعلانة مش قادرة
سوزان : دى سنة الحياة يا بنتى وكلنا لها
وبعدين احنا ناس مؤمنين بالله
صافى : ونعم بالله
سوزان :يبقى خلاص بقى حرام نعترض على قدر ربنا
صافى : خلاص يا ماما ..اناهنزل الشغل من بكره
سوزان : ايوه كده فكى
صافى : ماشى يا حبيبتى
سوزان : طب تعالى اتغدى معايا
صافى : حاضر من عنيا
سوزان : تسلملى عنيكى يا حبيبتى

وراحت صافى واتغدت مع مامتها وهى بتفكر فى حالها والى حصلها

وبعد ما خلصت جالها تليفون

ألو
صافى : آلو ..مين ؟
ههههه ..بقى مش عارفانى
صافى : حضرتك مين قولى من فضلك
انا سماح يا حبيبتى
صافى : وانتى جبتى نمرتى منين وبتتصلى بيا ليه ؟
سماح : جبت نمرتك منين دى مش شغلك وبتصل بيكى
عشان اشمت فيكى شوية
صافى بنرفزة : انتى انسانة حقيرة ووضيعة
سماح : ههههههه ...اترفزى كمان
صافى : انتى انسانه مستفزة
سماح : خلاص بعد النهارده مش هتشوفى يوم واحد حلو
وكل ايامك هتبقى سواد هههههههههههه
صافى : انتى حقيرة

وقفلت السكة ف وش سماح الى كانت لسه بتضحك

ودخلت اوضتها وقفلت على نفسها وهى لسه بتعيط

ياترى ايه الى هيحصل بعد كده ؟؟؟
وياترى صافى وشريف هيرجعوا لبعض ولا ايه ؟؟؟؟؟؟؟








تابعونى فى الحلقة الجاية

جميله يا لولو
متابعينك يا عسل متتأخريش