يا بنات مش انا لقيت الفانوس السحري

احبتي في الله واخواتي اولا احب اسلم عليكم كلكم ووحشتوني جدا
طب ايه حكاية الفانوس السحري شوفي ياستي الحمد لله وبفضل من الله لاقيت الي بيقولك ايه شبيك لبيك اتمني احققلك الي تتمنيه
عايزه ايه ؟ عايزه تتجوزي ؟ عايزه عيال؟ عايزه فلوس؟ عايزه فرج ؟ عايزه رزق كتير ؟ عايزه بركه في حياتك ؟ عايزه ولادك يبقو ربنا هاديهم ؟ عايزه ايه كل ماتتمني تجديه
عايزه ايه عايزه ايه عايزه ايه ؟
مش عايزه الجنه ونعيمها ؟ مش عايزه رضا ربنا عليكي ؟ عايزه تذوقي حلاوة الايمان ؟
تعالي اقولك بجد واقسم بالله عن تجربه خاصه ليا انا كان الفنوس هوه
الذكر
طبعا الكل مستغرب طب مااحنا عارفين بس الي متعرفهوش بقي اننا معظمنا غافلين محدش بيذكر ربنا ازاي ماكلنا بنصلي وبنعبد ربنا ماشي معاكي بس جربتي تمسكي سبحه كل يوم وتسبحي وتحمدي وتستغفري وتكبري وتهللي كل يوم كل يوم جربتي تعيشي حياتك بذكره جربتي تصلي وتسلمي علي رسول الله كل يوم 100 مره او اكتر

بلاش كل ده حسيتي بحب ربنا قبل كده وحسيتي بحلاوة الايمان
شوفو يابنات انا مش بقول حاجه مستحيله ولا بقول انكم تسيبو اشغالكم وتقعدو تذكرو ولاكن تجربتي كانت
الحمد لله وربنا يديمها عليا نعمه ويحفظها من الزوال يارب ويثبتني واياكم وكل المسلمين يارب
يوميا تمسكي سبحتك وتقولي
سبحان الله وبحمده 100
سبحان الله وبحمده سبحان الله العظيم 100
اللهم صلي وسلم وبارك علي سيدنا محمدا وعلي اله وصحبه وسلم 100
لا اله الا الله وحده لاشريك له له الملك وله الحمد وهو علي كل شئ قدير 100
سبحان الله والحمد لله ولا اله الا الله والله اكبر 100
استغفرك ربي واتوب اليك 100
والي عايز يزود ذكر مفيش مشكله بس دول كده مش هياخدو منك نص ساعه
زي ماربنا قال الا بذكر الله تطمئن القلوب
ومن يعرض عن ذكري فان له معيشة ضنكا
فقلت استغفرو ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا
صدق الله العظيم
يبقي عرفتي ان الذكر ده مفتاح دنيتك واخرتك يبقي هتذكريه ولا لاء
مش عايزه تفكري ربنا بيكي ومن يذكرني اذكره مش عايزه قلبك ينضف من الي فيه
كثرة الذكر تحي القلب وتجعل به رقه
خلي الذكر منهج لحياتك عيشي بيه كل ماانتي ماشيه قايمه نايمه بتكلي بتشربي اذكري الله استغفري الله

اشتري استيكرات فاضيه اوي هاتي ورق واكتبي عليه ذكر دخول الخلاء والخروج منه ودعاء الانتهاء من الوضوء والزقيه جمب باب الحمام اعزكم الله
اكتبي ذكر الخروج من المنزل والدخول والزقيه علي الباب علي طربيزة السفره الزقي ذكر بدء الطعام والانتهاء منه علي الدولاب الزقي ذكر لبس الثوب في المكان الي بتصلي فيه الزقي جمبك ذكر مابعد الصلاه
هيه متجيش غير كده طول ماانتي ماشيه في بيتك حتي لو نسيتي عينك هتيجي علي الورق هتفكرك وانتي في المطبخ الزقي اذكار صدقوني هتحسو بالفرق في حياتكم

اعلنو حملة الذكر

عيشو بذكر الله
احكيلكم قصه سمعتها بيقولكم ايه كان مره الامام احمد ابن حمبل راح بلد ما وصلي العشاء في مسجد وكان في هذه البلد لايعرفون شكل الامام احمد ولكن يعرفون علمه المهم صلي الامام العشاء في المسجد ثم نام بالمسجد فاتي الحارس فقال له ماذاتفعل قال اني نائم قال الحارس ممنوع النوم في المسجد قال الامام ولاكني غريب وليس لي مؤي اخر فقال له ممنوع النوم في المسجد فلم يجد الامام اي سبيل مع الحارس غير انه لم حقيبته ورحل فخرج الحارس ووجد الامام احمد جالس علي باب المسجد فقال له الحارس ممنوع الجلوس هنا فقال له اني اجلس خارج المسجد في الشارع قال له ممنوع واخذه من رجليه ليجره الي منتصف الشارع فكان واقف خباز مخبزه امام المسجد فنادي الخباز علي الامام وقال له بت في المخزن الليله الي صلاة الفجر وبات عنده الامام وكان الخباز يعجن عجينه وهوه يقول سبحان الله والحمد لله ويذكر الله ولايتوقف لسانه عن الذكرفتعجب الامام وقال له منذ متي وانت تذكر الله قال الخباز من سنين وقال الامام ولاتمل قال لا فقد تعود لساني علي الذكر قال الامام ومافضل الذكر في حياتك قال الخباز مافي دعوه دعوت الله بها الا واستجاب لي الا دعوه واحده قال ماهي قال ان اري الامام احمد ابن حمبل وضحك الامام احمد وقال له هاانا الامام احمد ابن حمبل جئتك اجر من قدمي الي بابك

فياسبحان الله شفتم فضل الذكر يابنات اظن محدش هيضيع فرصه زي دي كسبانه دنيا واخره


عايزين الهمه ونبدء حملة الذكر والاستمرار وربنا يثبتنا جميعا وعيشو حياتكم بالذكر وقولو لكل الي تعرفوهم وابدؤ مع بعض قولي لجوزك واخواتك واهلك وكل الناس لازم نعمل صحوه ومش هتقوم غير بالذكر واحكولي عمل فيكم ايه وغيركم ازاي ونشجع بعض كلنا حتي يظلنا الله في يوم لاظل الا ظله

بحبكم في اللهسعيدة قوي

جزاكى الله خيرا

تسلم اديكى موضوع فعلا تستحقى التقدير عليهربنا يجازيكى خير ويهديكى ويثبت خطاكى