`·.¸¸.·´´¯`··._.· ( موضوع المليوون رد ) `·.¸¸.·´´¯`··._.·`

حياتك زيها زى فصول السنه ايام كلها شمس ودفى

وايام الورد بيكون عطشان فيها للندى


...
هيعدى عليك خريف وربيع

يمكن ساعات ويمكن اسابيع



بس السنه لازم تيجى كل فصولها

لكن حياتك انت اللى بتحدد لونها



اختاره زى لون الفرحه واحلم وعيش

متخليش احلامك هى اللى تقولك متسبنيش



و وقت مايعدى عليك شتا وغيوم

افتكر ان حياتك زى اليوم



مهما بيطول فيها الليل لازم بيجى بعده نهار

وعلى قد ما هتتعب على قد ماهتوصل فالمشوار



خلى دموعك زى اللى بين المطر والشجر

خليها تفضل تعليك لحد ما تطول القمر



وكل ماتنزل دموعك اكتر

كل ماثقتك فنفسك تكبر



واتعلم ان اللى بيوجعك هو اللى بيقويك

ده مفيش حد غيرك من الايام هيحميك



افتح لقلبك شبابيكو ونفض منه الهموم

وما تخليش ولا ثانيه تفوتك فى اليوم



اضحك لمشاكلك وقلد البالونات

كل ماتتملى تعلى فوق الحاجات



ادى بقى الحزن ضهرك وسيبه

واتصاحب على الصبر وابقى حبيبه


ساعتها هتفضل طول عمرك شباب حتى لو همومك وقفتلك على الباب